teensexonline.com

AVATA 2 官方释出预告 新机有单、双镜两个版本?

话口未完,早几日网上先有 AVATA 2 嘅漏料,估唔到 DJI 官方咁快就释出新机发布嘅预告,将会响下星期发布新机,不过响发布 AVATA 2 之前,仲有另一款新品会比 AVATA 2 更早发布,即刻睇吓系乜嚟?

首先讲吓 AVATA 2 先,官方响网页释出咗以「飞出花样」为主题嘅预告,可以见新机就系 FPV 无人机 AVATA 嘅外观,明显就系新一代嘅 AVATA 2,当㩒入去「了解更多」时,就会见到一段短片,无人机以侧向 360° 打圈向前飞行,以往无人机都只会直线飞行,如果今次真系做到呢个花式飞行嘅话,又真系几好玩喎,所以有理由相信「飞出花样」呢个主题就系讲呢样喇!

其实响官网公布新机预告前,嚟自 @rossman_drone 嘅 IG 亦放出咗一段声称系 AVATA 2 Pro 嘅新机片段,片段清晰可见新机全貎,最令人惊讶嘅系部新机竟然系有双镜头,而且仲识上下转动,所以点解会话系 Pro 版喇,再睇返官网嘅片段,虽然部机嘅镜头部分系黑咗,但从光线反射嘅阴影嚟睇,镜头位唔似系双镜,而且机顶嘅布局亦完全唔同,如果系咁嘅话,即系 AVATA 2 至少会有两个版本都唔出奇。

而 AVATA 2 嘅发布时间要记住喇,就系响香港时间 4.11 晚上 21:00。不过 DJI 今次唔止响 AVATA 2 玩花样,因为官网响 AVATA 2 预告下面仲有另一个新品预告,发布时间系比 AVATA 2 早两日嘅 4.09 晚上 21:00,而图中嘅新品系分为四个部份,包括有一个镜头及三个手把,就咁睇相见到嘅三个手把有唔同功能,一个有 Zoom 嘅,一个有芒嘅,同一个疑似风筒形状嘅手把,仲写住 NINO 字样,点玩法就好难估喇,唔知会唔会系一个可以自由组合嘅手持摄录装置呢?想知新品系乜就记住到时留意 DJI 官网喇。

PUREVPN在哪买

- Advertisement -spot_img
0 0 投票数
Article Rating
订阅评论
提醒
guest
0 Comments
内联反馈
查看所有评论
0
希望看到您的想法,请您发表评论x